nnugni

29.7.05

ég vaknaði kl.10 í morgun við þvílík læti sem komu inn um gluggann....nágranninn var e-ð að bralla....bara pirrandi!
en ég hugsaði það er allt í lagi.....í dag er útborgunardagur :)

en nei svo dró ský fyrir sólu....ég druslaðist loksins fram úr fyrir um hálftíma síðan.....startaði tölvunni og kíkti í heimabankann...og viti menn engin laun :(
það var svekkelsi nr.1 sko...

síðan rölti ég fram í eldhús þar sem foreldrar mínir voru að snæða hádegismat...sé sjónvarpsblaðið birtu liggja þar...tek það upp og e-ð finnst mér ég kannast við kauða sem er utan á blaðinu...og svo kveikti ég á því...ohhhh helv. hálfvitinn sem er alltaf svo dónalegur þegar hann kemur í bankann uppá velli...og auddað er ég svo heppin að lenda alltaf í því að afgreiða hann...fyrir þá sem hafa ekki séð birtu í dag þá heitir hann björn sveinbjörnsson og hann er einn sá mesti dóni sem ég hef hitt...egó sko út í eitt!!!
þetta var svekkelsi nr.2....ekki góð byrjun á fallegum degi...

nnugni at 12:36

28.7.05

mamma mín og pabbi eru sona hjón sem geta þrasað um ekki neitt og oft á tíðum er mjög fyndið að hlusta á samtöl þeirra....
...hér er eitt sem ég heyrði um daginn..

sko málið var það að pabbi ætlar að fá sér ný gleraugu og mamma ætlaði að fara með honum í gleraugnabúðina að skoða....

pabbi: "heyrðu elskan, hvenær eigum við að fara í gleraugnabúðina?"
mamma: "rétt bráðum"
pabbi: "hvað þýðir það?"
mamma: "þegar þvottavélin er búin"
pabbi: "já soleiðis.....ætlar þvottavélin með okkur?"

ég soleiðis grenjaði úr hlátri....því pabba fannst hann vera voða fyndinn en það fannst mömmu alls ekki....

nnugni at 19:54

úff...þetta er allt að verða svo raunverulegt...er alltaf að fá meil frá skólanum úti um ýmsilegt!
í dag fékk ég svo meil um húsnæðið mitt....sem sagt heimilisfang, herbergisnúmer og verð leigunnar.....og men hún er sko há!!!
only 30 days to go now....

nnugni at 16:21

27.7.05

þá er stelpan búin að panta sér í dekur í baðhúsinu....um að gera að nota gjafakortið mitt sem ég fékk í ammælisgjöf áður en ég fer út :)
ohhh hvað þetta verður ljúft.....nudd og maski og handsnyrting.....i´m so happy!!!

nnugni at 15:54

25.7.05

vá hvað ég er mikill friends sjúklingur.....hér kemur smá tölfræði yfir hvað ég er búin að eyða miklu af ævi minni í þessa þætti....

ég er búin að sjá suma þætti oftar en aðra....en...

það eru til e-ð um 240 þættir af friends.....hver þáttur er um 22 mín...
segjum að ég sé búin að sjá hvern þátt um 40 sinnum sem gæti vel verið oftar...hef barasta ekki tölu á þessu...

240*40 = 9600 þættir

9600 * 22 (mín) = 211.200 mín

211.200 / 60 = 3520 klst.

3520 / 24 = 146,67 dagar

147 / 30 = 4 mán og 27 dagar

ég hef eytt 4 mán og 27 dögum af ævi minni í að horfa á þessa þætti og er ekki enn komin með leið á þeim!!!

nnugni at 19:33

24.7.05

sniðugt!

nnugni at 23:48

23.7.05

veðrið í kef er búið að vera geggjað í dag......þannig að mín ákvað að skella sér í smá sólbað í hitabylgjunni sem myndast alltaf á pallinum í garðinum hjá mér......ég entist í sólbaði í 15 mín.....þá var ég gjörsamlega að kafna úr hita og fór aftur inn....býst ekki við að það verði mikill árangur af þessu sólbaði...

nnugni at 17:01

22.7.05

þar sem að ég vinn í bankanum uppá velli þá skipti ég miklu magni af erlendum seðlum.....og þeir eru í misjöfnu ásigkomulagi....

hef einkum verið að pæla í peningunum sem eru hálfrakir.......mig langar eiginlega ekkert að vita hvar fólkið hefur geymt þá.....því fólk reynir að fela þetta á sér á furðulegustu stöðum.....jakk!

samt alltílæ uppá öryggið að gera fyrir það sko......en tilhugsunin að vera með þessa peninga í höndunum og vita ekki hvar þeir voru faldir nokkrum mínútum fyrr.....er ekki geðsleg!!!

hvar felið þið peninginn ykkar þegar þið farið til útlanda?

nnugni at 23:17

stjörnuspáin mín er mjög lýsandi fyrir hvernig undanfarnir dagar hafa verið.....hún hljómar svo:

upptekinn? þú? nei, nei getur það nokkuð verið? vinir þínir muna varla hvernig þú lítur út og kettirnir þínir hvæsa þegar þú kemur inn um dyrnar. er ekki kominn tími til þess að slaka aðeins á og reyna að njóta lífsins.

passar allt við mig nema þetta um kettina.....

nnugni at 17:28

18.7.05

það sem ég skrifaði í síðustu færslu er nú ekkert leyndó.....ég hafði bara ekki tíma til að klára hana sökum anna í vinnunni!
en ég er búin að komast að því að mér finnst önnur vinnan mín hundleiðinleg!!!
og ég þarf að vera í henni í mánuð í viðbót :(

en það var sumó um helgina já ég sagði sumó en ekki saumó.....brottför átti að vera rúmlega 10 en fyrsta manneskja sem var sótt svaf yfir sig.....segji ekki að það hafi verið imba ;)
þannig að við lögðum af stað kl.10.45 og imba sagði að það væri sko rúmlega 10.....og það er rétt hjá stelpunni :p

við stoppuðum á mörgum stöðum þar á meðal :

bónus
heiðrún
kristnibraut
apóteki
banka
borgarnesi
ólafsvík
hruni v/hellissand

ákváðum að fá okkur að borða í borgarnesi.....og hvern rákumst við á....enga aðra en ólý, mömmu hennar og músa!
þvílík tilviljun....en þau voru á leið á ættarmót á flúðum......þannig að hún fékk ekki að koma með í sumó-inn...

ýmislegt var aðhafst í bústaðnum en það einkenndist aðallega af:

áti
drykkju
svefni
spili
videóglápi (amk. hjá sumum :p)
sundferð og e-u fleiru

og vá hvað það er mikið af flugum á hellissandi.....mæli ekki með að flytja þangað sökum þeirra......ekki vegna þess að það er ekkert þarna..

en jæja þetta er orðið gott í bili...fullt af fólki að koma...

nnugni at 22:30

14.7.05

ég gerði mikilvæga uppgötvun áðan....sem mun hryggja mig út sumarið.....

nnugni at 22:29

loksins er ég að fara að gera e-ð af viti....sumarið er barasta meira en hálfnað og stelpan varla búin að smakka brennivín :p
á morgun ætlum við stelpurnar upp í bústað.....get varla beðið, veit að þetta verður æðislegt....við munum horfa á stelpumyndir, hafa rauðvín og hvítvín í för, ásamt bjór fyrir þessa minna vönu ;)
grilla góðan mat, sofa og bara allt sem okkur langar....15 tímar í brottför.
og það er sko nóg að gera fyrir brottför, á eftir að vinna til 2 í nótt, pakka niður, fara í bónus, mjólkurbúðina og fleira...

nnugni at 18:31

13.7.05

jæja þá er brósi kominn heim frá london......heill á húfi...en hann var þarna úti meðan öll ósköpin dundu yfir....þannig að sem betur fer er alltílagi með hann :)
en já hann er sko í algjöru uppáhaldi hjá mér þessa dagana.....þar sem hann var svo æðislegur að gefa litlu systur ipod :)
og svo straujaði þessi elska tölvuna mína í kvöld....þannig að nú er hún orðin fín.....nema ég þarf að redda þessu msn-i gengur ekki að vera með sona eldgamla útgáfu....

nnugni at 00:12

10.7.05

ótrúlegt hvað mar hlakkar alltaf til að byrja aftur í skólanum þegar mar er að vinna á sumrin.....ég get varla beðið!
ég veit ekki hvað mar gerir þegar mar klárar svo skólann.....eins gott að mar fái dísent vinnu!

hvað eru þetta mörg mar?

nnugni at 21:32

pabbi minn kom inn til mín áðan og spurði hvort ég ætlaði ekki að fara á fætur til að færa bílinn........klukkan væri langt gengin í 3!
ég jánkaði því......leit svo á klukkuna.....og þá var hún 14.01.....týpískir foreldrar....hver kannast ekki við þetta?

nnugni at 14:23

það er vond lykt af næstum öllum útlendingum í kvöld....

nnugni at 01:21

9.7.05

var að kíkja á flugáætlanir kvöldsins......og það lítur allt út fyrir að fyrstu 2 tímana í vinnunni muni ég hanga á netinu og þareftir koma 8 vélar og 1 fer út.....og ef allt stenst áætlun sem ég virkilega vona.......þá ætti ég að vera komin heim uppúr 2........og þar sem það er vinnuhelgi þá fer ég örugglega bara heim að sofa :(

hvað ætlar þú að gera í kvöld?

nnugni at 17:19

8.7.05

já ég var að uppgötva það að ég fæ lengra sumarfrí en hinir sem eru með mér í viðskiptafræðinni....alveg 2 vikum lengra :)
á meðan fólk heldur í kennslustundir 22.ágúst.....þá verð ég bara að chilla....og svo fer ég stuttu seinna út og ferðast smá og svo byrjar skólinn minn 5.september...hahahha bara nice!

nnugni at 22:07

7.7.05

í dag birti skólinn stundatöflur næstu annar....og ég tjékkaði auddað hvernig taflan mín hefði litið út samkvæmt mínu vali. og alveg ekta mín heppni.......þessa önn hefði ég átt frí í skólanum alla föstudaga, bara eitt fag á þriðjudögum en annars er skóli hina dagana......ohhhh!!!!
en það verður að hafa það þar sem að ég er að fara að gera miklu skemmtilegra næstu önn :)

nnugni at 20:29

5.7.05

hér er smá tannkremssaga.....

sko það var þannig að mín var á leið í vinnuna.....ákvað að setja á mig hálsmen. þegar ég var búin að finna hálsmenið sem ég ætlaði að vera með tók ég eftir því að það var búið að falla á keðjuna...
ég horfði á vinkonu mína um daginn hreinsa keðjuna sína með tannkremi.....þannig að auddað fór ég inn á klósett og byrjaði að hreinsa keðjuna með tannkremi. en hún varð ekkert hrein....heldur klístrug og blá!!!
já ég hélt að það skipti ekki máli hvernig tannkremið væri á litinn sem mar notaði við þetta....en svo kíkti ég í skúffurnar inná baði og við áttum hvítt tannkrem....og það virkaði....keðjan varð hrein....

þannig að það sem ég lærði af þessari reynslu er að það er ekki hægt að hreinsa keðju með bláu tannkremi!

nnugni at 21:48

2.7.05

hvað hefur komið fyrir keflavík??
þannig er mál með vexti......eftir vinnu í gærkvöldi fór ég á duus (já já ég veit kemur á óvart ;)) með imbu og ólý.....þar sem var gætt sér á þessum dýrindis kranatuborg....
nú jæja það er frekar rólegt þarna.....þannig að við ákváðum að skella okkur á paddy´s sem kom mér mjög á óvart því þar voru e-r trúbadorar og þeir voru bara mjög góðir.....þó það hafi nú verið óþarflega mikið af könum sem voru glápandi úr sér augun á allar íslenskar stelpur!!
nú já kvöldið líður og svo kemur hinn helmingurinn og stuttu seinna kemur gústi frændi...
allir skemmta sér konunglega....nema svo ákveður fulli hluti hópsins að skella sér á traffic....þannig að einar ákveður að fara og fá sér að borða....svo þegar við erum að keyra eftir hafnargötunni sjáum við náunga sem önnur okkar kannast við......hann var nokkuð vel í því og átti erfitt með að standa í lappirnar.....
....og svo er þessi strákur sem labbar á eftir honum....síðan missti strákurinn e-ð og þegar við fórum að fylgjast betur með hvað hann tekur upp......þá sáum við að hann missti hníf!! (hver tekur með sér hníf á djammið nema ætla að lenda í vandræðum???)
síðan taka þeir á tal og við fylgjumst með öllu saman......en svo upp úr þurru slær strákurinn með hnífinn til náungans....okkur dauðbrá.....og svo var þetta rosa action......en þú veist halló???
....svona er keflavík í dag!!!

og nei ég sit ekki heima á laugardagskvöldi og nöldra yfir lífinu.......ég sit í vinnunni á laugardagskvöldi og nöldra yfir lífinu...

nnugni at 23:30